Межрегиональный интернет-журнал «7x7» Новости, мнения, блоги
  1. Республика Коми
  2. Колӧ-ӧ радлыны футболистъяслӧн вермӧмлы?

Колӧ-ӧ радлыны футболистъяслӧн вермӧмлы?

Василий Сажин
Василий Сажин
Добавить блогера в избранное
Это личный блог. Текст мог быть написан в интересах автора или сторонних лиц. Редакция 7x7 не причастна к его созданию и может не разделять мнение автора. Регистрация блогов на 7x7 открыта для авторов различных взглядов.
Поделитесь с вашими знакомыми в России. Открывается без VPN

Россияын нуӧдсьӧ футбол кузя мирса чемпионат. Россияна петісны финаллӧн ӧти нёльӧд юкӧнӧ, кор ӧти кӧкъямысӧдын венісны испанецъясӧс.

Мыйлакӧ ёна вензьӧны матчыслӧн помшуӧм понда. «Эхо Москвыын» помся гижӧд бӧрся гижӧд. Дугдывтӧг песӧны вратарь Акинфеевлысь шуйга коксӧ, кытчӧ веськаліс мачыс, мый вӧсна сійӧ эз вудж дзиръялысь визьсӧ да мездіс голысь.

Юӧртісны, мый уна оппозиционер висьӧ Россиялы паныд. Сиӧ сылы чорыд ворссьӧм. Колӧ-ӧ тайӧ? Ме некор эг висьлы ни Россия ни СССР дор. Меным век кажитчыліс германскӧй футбол. Тактика боксянь тайӧ медся вылыс тшупӧда. Кодзувъястӧг команда, но сяммис нёльысь ланы мирса чемпионаӧн, куимысь – Европаса.

Россияса футболистъясӧс мыжалӧны сыысь, мый Путин используйтӧ вермӧмъяссӧ режимсӧ нимӧдӧм вылӧ, футбол пӧрис пропагандистскӧй инструментӧ. Кодсюрӧ элясьӧ, кыдзи нӧ пӧ абу яндзим венны испанецъясӧс.

Но делӧыс абу сыын, кутшӧм результат петкӧдлас Россияса сборнӧй. Мед кӧть ворссяс, мед кӧть лоас чемпионӧн, – тайӧ абу тӧдчана. Кремльсалы тӧдчана, но збыль вылас политическӧй серпассӧ оз веж. Политикалы абу тӧдчана.

Колӧ вӧлі водзсасьны авторитарнӧй режимлы паныд мӧд ногджык. Колӧ вӧлі бойкотируйтны чемпионатсӧ. Сэки позис шуны лючкиджык воськов йылысь. Кыдзи 1980-ӧд воын бойкот йӧзӧдлісны СССР-лы паныд и дас ӧти во мысти сійӧ киссис.

Мый эз ло чемпионатсӧ бойкотируйтӧмыс – тайӧ и лои Путинлӧн медглавнӧй вермӧм. Весиг Англия эз ӧтдортчы, ворсӧ и ворсӧ, некыдз оз лэбзьы.

А медся бур вариантӧн эськӧ вӧлі – мырддисны кӧ Россиялысь чемпионат нуӧдан правосӧ. Вуджӧдісны кӧ мӧдлаӧ, кӧть кытчӧ, кӧть Европаӧ, кӧть Китайӧ, кӧть Африкаӧ, медбур петан туй. Но эз вӧчны воськовсӧ. Бара лои Путинлӧн вермӧм.

Путинлы тӧдчана, лоас-ӧ Россияса сборнӧй чемпионӧн. Но тӧдчанаджык мый чемпионатсӧ сетісны нуӧдны сылы. Любӧй вариантыс ворссьытӧмтор, артмӧг шедӧдана. Лоас кӧ чемпионӧн – бурджык, оз кӧ, – абу ёна лёк. Медглавнӧйыс – мый котыртӧ та ыджда турнирсӧ. А тайӧ – триумф.

«Эхо Москвыын» Виктор Шендерович зільӧ эскӧдны, мый футболистъяслӧн вермӧмыс ёнмӧдӧ Путинлысь авторитарнӧй режимсӧ. Сылы вочавидзӧ Антон Орех, ньӧти пӧ оз. Ме жӧ чайта, мый спортын кывкӧртӧд омӧля мӧрччӧ политическӧй визь вылӧ. Ёнмӧдас кӧ чемпионӧн лоӧм режимсӧ, то оз век кежлӧ, а кутшӧмкӧ кад вылӧ. Кор эйфорияыс прӧйдитас, ставыс сувтас ас местаӧ. Тайӧ лоӧ властлы аслыссикас допинг, кыд кежлӧ ёнмылас, а сэсся бӧр слабмас.

Телевидениелӧн помся ток-щоуясын дольӧны, колӧ пӧ радлыны сборнӧйлӧн вермӧмъяслы. Тайӧ пӧ патриотическӧй долг. Грӧзитчӧны пуж петкӧдлыны налы, кодъяс оз нимкодясьны. Оз позь тадзисӧ. Кыдз позьӧ тшӧктыны мортыслы радлыны? А гашкӧ сійӧ некор эз интересуйтчывлы футболӧн? Помнита 1981-ӧд воын кык морт костын сёрни. Кор СССР-са хокеистъяс 8:1 тшӧтӧн пасьвартісны канадецъясӧс. Ӧтиыс радлӧ, а мӧдыс сылы вочавидзис, мырддясны премиятӧ, медым налы банкет лӧсьӧдны.

Чемпионатыслӧн доныс ыджыд, пӧшти миллиард. Сэк, кор татшӧм дона мероприятие, содтӧны пенсионнӧй арлыд. Йӧз вылын тешитчӧм. Важся Римын кӧ вӧлі «нянь да видзӧдантор", то талунъя Россияын няньыс абу, сэк жӧ тырмымӧн  видзӧдантор.

Спортлӧн тӧдчанлуныс политическӧй процессъяс вежӧмын зэв ичӧт, позьӧ шуны, абу. Ог вермы сӧгласитчыны накӧд, кодъяс лыддьӧны, мый спорт ёна мӧрччӧ политикаӧ. Коді эскӧ, вермас кӧ Россияса сборнӧй команда, лоас кӧ чемпионӧн, тайӧ ёнмӧдас Путинлысь авторитарнӧй режимсӧ да вӧчас сійӧс помасьлытӧмӧн. Ачыс ВВП сідзжӧ эскӧ тайӧ мӧвпас. Чайтӧ, лоасны кӧ Акинфеев да сылӧн ёртъясыс чемпионъясӧн, тайӧ лоӧ подувӧн шуасьны Россияын лӧсьӧдӧм политическӧй модельлӧн преимущество-вынйӧр йылысь.  Медым легитимизируйтны режимсӧ кыдз мирас медся артмӧг шедӧданаӧс.   Кыдзи и суйӧрсайса канаъясысь веськӧдлысьяслӧн матчъяс вылӧ волӧм. Уна президент гӧститліс Россияын мундиаль дырйи. Тайӧ позьтӧмтор сы вӧсна, мый волӧмнас легитимизируйтӧны диктатурасӧ. Европа – коллективнӧй Чемберлен. Сетчӧ кампужитчысьлы водзсасьтӧг, надеяӧн мый оз вӧрӧд.

Но тайӧ ставыс оз мезды авторитаризмӧс аскиа усьӧмысь. Сӧмын нюжӧдас кыдз шуласны, банкетсӧ.

СССР-лӧн спортын вермӧмыс вӧлі ёна унджык, непоштӧ путинскӧй Россиялӧн, пӧшти став Олимпиада вылас первой места команднӧй артасьӧмын, мӧд места босьтысьсӧ кольліс ёна бӧрӧ, но тайӧ эз мезды системасӧ политическӧй фиаскоысь.

Футбол помасяс, а сэсся мый.?! Эйфория, лов кыпыдлун кусас. Футболыс кад кежлӧ ӧтувтӧ йӧзсӧ власть гӧгӧр, ӧтдортӧ социальнӧй сьӧкыдлунъясысь. Но кор оз ло футболыс, радлуныс чинас, мый кутас вӧчны власть? Пестас война либӧ нӧшта кутшӧмкӧ лёктор.

Материалы по теме
Мнение
4 января
Кирилл Суворов
Кирилл Суворов
Что быстрее, танк или яйцо? Марафон глупости в РФ
Мнение
22 декабря 2023
Алексей Серёгин
Алексей Серёгин
Несмотря на протесты горожан, участок земли между Водопроводной, Сернурским трактом и Малой Кокшагой в Йошкар-Оле застроят жилыми домами?
Комментарии (0)
Мы решили временно отключить возможность комментариев на нашем сайте.
Стать блогером
Новое в блогах
Рубрики по теме