Межрегиональный интернет-журнал «7x7» Новости, мнения, блоги
  1. Республика Коми
  2. Футбол кузя чемпионат бӧрын Путин панас выль агрессия

Футбол кузя чемпионат бӧрын Путин панас выль агрессия

Василий Сажин
Василий Сажин
Добавить блогера в избранное
Это личный блог. Текст мог быть написан в интересах автора или сторонних лиц. Редакция 7x7 не причастна к его созданию и может не разделять мнение автора. Регистрация блогов на 7x7 открыта для авторов различных взглядов.
Поделитесь с вашими знакомыми в России. Открывается без VPN

Футбольнӧй чемпионатыс сетас сӧмын кад кежлӧ политическӧй шондӧдӧм, а сэсся серпасыс, сёрни абу,  лёкмас. Татшӧм сяма примерыс вӧлі нин. Кыдз тӧдса, 2914-ӧд воын Россия нуӧдіс Сочиса олимпиада. Сэк кежлӧ личӧдлісны гайкаяс, лэдзисны асмед вылӧ ӧткымын политзаключеннӧйӧс, Ходорковскийӧс, Пусси Райотӧс, кор нывъяслы пукалан срок помӧдз колис тӧлысь-мӧд.

А Олимпиада бӧрас лоис геополитическӧй кӧдздӧдӧм: Крымсӧ мырддьӧм, Донбассын война, Европакӧд чорыд вен. Эм-ӧ кутшӧмкӧ помка, коді эськӧ петкӧдліс, мый тайӧ пӧрйӧ лоас мӧд ногджык? Мый оз ло усьласьӧм, агрессивнӧй политика? Лачаыс та вылӧ абу некутшӧм. Гӧгӧрвоана, оласногыс тӧдчымӧн ёсьмас. А чемпионатыс колӧ Путинлы сӧмын ӧти мог олӧмӧ пӧртны: петкӧдлыны империялысь ыджыд вынйӧрсӧ,  дзирдалысь чужӧмбансӧ. Шедӧдім кӧ инӧд нуӧдны та ыджда глабальнӧй тшупӧда турнир, кытчӧ локтас став мирыс – тайӧ ыджыд слӧймӧг.

Чемпионат кежлас режим чинтіс мукӧд кананъяс вылӧ усьласьӧм. Медым небзьӧдны венсӧ да кыскыны футбольнӧй праздник вылас кыдз позьӧ унджык веськӧдлысьӧс да нырщикӧс. Нимавны та вылын, вӧчны пиар, кыпӧдны репутация.

Век жӧ ме аддза ӧти торъялӧм ӧнія турнир да Сочи костын. Олимпиада кежлас лэдзисны асмезд вылӧ политзаключеннӧйясӧс. Ӧні весиг мӧвпавны та йылысь оз кӧсйыны. Личӧдӧмыс ёнасӧ абу. Киритісны уголовнӧй делӧ Карелияса «Мемориалса» нырщик Дмитриевӧс и ставыс. Украинаса режиссер Олег Сенцов тӧлысь нин тшыгйӧдчӧ колонияын. но сійӧс оз кӧсйыны мездыны. Ог гӧгӧрво, кутшӧм вермас лоны терроризм? Морт, коді снимайтӧ фильмъяс, и со, террорист?! Збыль террористыс оз тадзи асьсӧ кут.

Мый Олег Сенцов тюрьмаын – тайӧ юр яндзим, тайӧ Россиялӧн позор! Медглавнӧй яндысьтӧмыс – Путин.

Лёкыс сыын, мый мирӧвӧй сообщество сетчӧ Путинлы, бӧрыньтчӧ сы водзын, а унаӧн тӧкӧтьӧ оз копрасьны диктаторлы. Ас кадӧ, 1938-ӧд воын тадзи жӧ вӧчлісны и мыйӧн помасис?! Ыджыд войнаӧн. Тавӧсна оз позь Кремлься бандит лы мунны уступка вылӧ, лёкӧн помасяс.

Чемпионат бӧрас мирас серпасыс ёна лёкмас, таын ме ог сумлевайтчы. лов вылад сьӧкыд сыысь, мый миянӧс виччысьӧ.

Путин панас выль агрессия. Оз кӧ лэдз асмезд вылӧ «шондӧдан" политика кадӧ политзаключеннӧйясӧс, кодъясӧс пуксьӧдісны колонияӧ суклясяна приговор серти, то страшнӧ мӧвпыштны, мый кутас твӧритны Кремльса бандит «кӧдздӧдан» кадколастӧ.

Путинскӧй Россия оз вермы кутчысьны сыысь, медым не заводитны выль агрессия. Политическӧй системаыс сэтшӧм, мый мӧд ног лоны оз вермы. Системаыслӧн «ӧбичаыс» сэтшӧм, мый нуӧдны экспансионизм, кватитавны йӧз муяс, усьласьны соседньӧй кананъяс вылӧ, тайӧ сэтшӧм жӧ тор, кыдзи шуам мортлы сёйны, узьны, сёрнитны. Стӧчджыка кӧ, Россияын тэчсьӧм политическӧй системаыс оз вермы овны усьласьтӧг. Кананлӧн ӧбичаыс сэтшӧм.

Та понда аскиа война пышйыны позьтӧм. Кутӧ Путинсӧ ӧтитор: Россия збыль вылас слаб и экономика боксянь, и технологиясын. Эм сӧмын ӧти кӧзыр карті сяма, – тайӧ ядернӧй оружие. Кодӧн фюрер повзьӧдлӧ став мушарсӧ.

Чемпионат дырйиыс оз ло некутшӧм политическӧй нелючки ни кризис. Системаыс лоас тайӧ кадколастас тырвыйӧ мобилизуйтӧма да та вӧсна. Да и йӧз пӧвстас оз ло ёнасӧ шызьӧм, ставсӧ ас дорас кыскас футбол. И оз ло протестъясӧдз.

А чемпионат бӧрас…, сэки и чайта лоасны вежсьӧмъяс. Оз вермыны не лоны. Чорыд да рышкыд системалы медыджыд врагыс – вежсьӧм!

Вежсьӧмъяс понда висььылісны кызьӧд нэмӧ кык режим, лоис кык революция.

Медым системаыс эз киссьы, власть панас кутшӧмкӧ ортсыса авантюра. Ичӧтик вермӧм шедӧдана кось. Тані ог весиг сумлевайтчы. Веськыд визь дырйи Путин восьсӧн грӧзитіс Украиналы, тайӧ аслыспӧлӧс мессэдж. Ас кадӧ Гитлер заводитіс ассьыс войнаяссӧ буретш олимпиада бӧрын. Кор помасис став позянлуныс лючкиа водзмӧстчӧм вылӧ. Ачыс системаыс нӧбасьӧма милитаризмӧн, быд клетка да атом лёк сораса.

Дженьыда кӧ, футбол чемпионатыс помасяс июль шӧрын. Мыйтакӧ кад лоас лӧнь на, ог тӧд мыйта, а сэсся лоӧ «гажа». Путинскӧй Россия панас агрессиялысь выль юкӧн.

Материалы по теме
Мнение
15 февраля
Наталия Шавшукова
Наталия Шавшукова
Карлсона можно понять
Мнение
27 ноября 2023
Татьяна Смирнова
Татьяна Смирнова
«Призрак» озера Топозеро. История о том, как жители северной карельской Кестеньги дружно от форелеводов отбились
Комментарии (0)
Мы решили временно отключить возможность комментариев на нашем сайте.
Стать блогером
Новое в блогах
Рубрики по теме
КомиПолитикаПутин