Межрегиональный интернет-журнал «7x7» Новости, мнения, блоги
  1. Республика Коми
  2. Путин да военнӧй рельсъяс

Путин да военнӧй рельсъяс

Василий Сажин
Василий Сажин
Добавить блогера в избранное
Это личный блог. Текст мог быть написан в интересах автора или сторонних лиц. Редакция 7x7 не причастна к его созданию и может не разделять мнение автора. Регистрация блогов на 7x7 открыта для авторов различных взглядов.
Поделитесь с вашими знакомыми в России. Открывается без VPN

Ноябр помассигӧн обороннӧй юалӧмъяс кузя совещание вылын Путин ньӧти майшасьтӧг висьталіс, позьӧ шуны крапнитіс, мый Россияса ыджыд предприятиеяслы, кыдзи кананбордувса, сідзи и асшӧр-частнӧйяслы колӧ зэв ӧдйӧ, нюжмасьтӧг вуджны военнӧй рельсъяс вылӧ. Да лоны дасьӧсь лэдзны военнӧй тӧдчанлуна продукция. Заводитчис и школалӧн милитаризация, кӧні кутісны велӧдны военнӧй подготовка предмет, тыдалӧ национальнӧй кыв пыдди. Бурджык кыв велӧдны, непоштӧ школьникъясӧс дасьтыны вир кисьтана война кежлӧ.

Мый тайӧ татшӧмыс? Мыйла кананысь став отрасль-юкӧнъяссӧ вуджӧдӧны тышӧ дасьтысян оласного кежлӧ?  Тайӧ абу куш кывъясӧн печласьӧм, экспромт али мӧдтор. Кывзан нацнырщикӧс да чайтсьӧ, мый ывла вылас абу 2017-ӧд вося ноябрь, а 1941-ӧд вося июль либӧ август. Тайӧ туйвизьыс вайӧдавс лёкторйӧдз. Кыдз гижліс ӧти классик, ӧшалӧ кӧ стенын ружье, сійӧ должен сюрӧс серти бӧръявыв лыйны.

Кыдз тӧдса миян шог историяысь, военнӧй рельсъяс вылӧ вуджӧм кыкысь нин коншыштліс кананнымӧс-государствоӧс. Первойя мирӧвӧй да Кӧдзыд войнаяс дырйи. Вывті ыджыд ноп ас вылӧ босьтам. Сэтчӧдз, мый гӧгным вӧрзьӧ. Ог гӧгӧрво, мый вылӧ лача кутӧ Путин?! Мый тайӧ пӧрйӧ нелючкиыс миянлы оз мӧрччы?

Тайӧ лунъясӧ вождь ветліс Сирияӧ, кӧні юӧртіс, мый колӧ петкӧдны сэтысь войскалысь юкӧнсӧ, синтыны военнӧйяслысь лыдсӧ. Но эм но. И во сайын, и кык во сайын стӧч тадзи жӧ сійӧ ышнясьӧмӧн шуасис, петкӧдам пӧ Сирияысь войска. Эз ӧтчыдысь тайӧс шулы, а некымысь йӧзӧдліс сідз шусяна перемирие. Но военнӧй да вооружение лыдыс эз чин, а век содіс. Кымын ёнджыка горзіс чинтӧм йылысь, сымын ёнджыка содіс. Тайӧ буретш татшӧм, яндзим тӧдтӧм политика: сёрнитны ӧтитор, а вӧчны дзик мӧдтор, мӧдарлань.

Сідзкӧ, збыль вылас некутшӧм войска Сирияысь оз петкӧдны. Сӧрӧны, петкӧдамӧй пӧ. Но оз петкӧдны. Путинлӧн тайӧ татшӧм стилистика, политика нуӧдан ног. Пӧръясьны да мудеритны.

Военнӧй рельсъяс вылӧ экономикаӧс вуджӧдӧм йылысь индӧд – тайӧ аслыспӧлӧс символ, пас. Коді петкӧдлӧ, мый Россияын тэчсьӧм системаыс воис шуштӧм тшупӧдӧдз. Тайӧ системаыс тыр ӧдӧн джӧмдӧ, оз вермы лючкиа, мирнӧя, прӧстӧй йӧзлысь интересъяссӧ дорйӧмӧн овны-лоны. Система тэчасыс сісьмӧ.

Военнӧй рельсъяс вылӧ вуджӧм – тайӧ пикӧ воӧмтор, Путинлӧн этшсӧ воштӧм петкӧдлан пас. Первой мирӧвӧй война дырйи стӧч тадзи жӧ вӧчлісны, СССР кадӧ тадзи жӧ вӧчлісны, экономикасӧ централизуйтісны да милитаризуйтісны. И мыйӧн ставыс помассис?! Киссьӧмӧн да пасьмунӧмӧн. Весиг военнӧй вермӧм эз мезды странаӧс политической да государственнӧй сыркмунӧмысь. А путинскӧй режим ворссис быдлаын, и Украинаын, и Сирияын.

Материалы по теме
Мнение
1 марта
Инна Чекмарева
Инна Чекмарева
Доносительство, которое грозит перейти в пандемию
Мнение
8 мая
Николай Кузьмин
Николай Кузьмин
26 лет находиться во главе государства — это запредельный срок?
Комментарии (0)
Мы решили временно отключить возможность комментариев на нашем сайте.
Стать блогером
Новое в блогах
Рубрики по теме