Англияын, сійӧ карас, кӧні отравитлісны вӧвлӧм разведчик Сергей Скрипальӧс, бара лоис стӧч татшӧм жӧ неминуча. «Новичок» нервно-паратическӧй газӧн бара отравитчӧмаӧсь кык морт. Найӧ некутшӧм бокӧн оз инмыны Россия дорӧ, англичана.
Юавсьӧ, коді вӧчис тайӧ мыжсӧ? Ог сумлевайтчы, мый Кремльса гопник. Но мыйла тайӧ сылы колӧ? Ӧд ортсысянь кӧ видзӧдлыны, некутшӧм водзӧс оз перйы, абу кивыв. Мыйын логикаыс? А кутшӧм логика эм кампужитчысь гопниклӧн? Сылӧн сӧмын ӧти логика, – пакӧститчыны да повзьӧдлыны став мукӧдсӧ.
Мӧд помка: кежӧдны подозрениесӧ бокӧ, медым некод эз думайт, мый тані тыдовтчис Кремльлӧн да ФСБ-лӧн ки.
Путин кӧсйӧ петкӧдлыны англичаналы да сэтчӧс властьлы, тшӧтш и премьер-министрлы ӧтитор: миян кияс кузьӧсь, судзӧдчам быдлаӧ. Сідзкӧ косъянныд кӧ медым нӧшта ӧтчыдысь лёкыс эз ло, – сетчӧй миянлы.
Кремльса вӧзйис Великобританияса премьер-министр Тереза Мэйлы волыны Россияӧ. Майбыр эм помкаыс, Англияса сборнӧй писькӧдчис финаллӧн ӧти нёльӧд юкӧнӧ. Корсюрӧ меным чайтсьӧ, эз-ӧ ачыс Путин вӧч сідзи, медым английскӧй футболистъяс водзӧ восьлалісны плей-оффӧ? Медым Мэйлӧн, футбол радейтысь премьер-министрлӧн воссис помка волыны Россияӧ. А волас кӧ, тайӧ лоӧ Путинлӧн вермӧм, а Англиялӧн ворссьӧм. Британияса правительство йӧзӧдіс чемпионатлысь бойкот. Скрипальясӧс отравитӧм понда.