Ортсыса политикаын медся ёсь конфликтъясысь ӧти йитчӧ Войвыв Кореякӧд. Сэтчӧс власть помся ышнясьӧ ракетаясӧн, нуӧдӧ испытанияс, лэдзалӧ найӧс Лунвыв Кореялань, Япониялань да США-лань. Грӧзитчӧ ядернӧй войнаӧн.
Кодлы да мыйла тайӧ ставыс колӧ? Тайӧ медвойдӧр колӧ путинскӧй Россиялы, коді пестіс став мирлы паныд гибриднӧй война. Кремль и сулалӧ Пхеньян сайын да ыззьӧдӧ сійӧс провокацияяс вылӧ. Медым Америкаса ёна дӧзмис да став вынсӧ тратитіс тайӧ ичӧтик канан вылас. Медым Вашингтон ӧтдортчис став мукӧд международнӧй проблемаясысь, шуам. Украинаысь да Сирияысь. Медым Путинлы воссис позянлун паськӧдчыны, нуӧдны экспансионизм политика.
ООН йӧзӧдіс Войвыв Кореялы паныд санкцияяс. Ошкисны документсӧ став векся, постояннӧй членыс, тшӧтш и Россия. Но колӧ-ӧ тайӧ Рытыввывлы? Сідз шусяна санкцияяссьыс кивывлунсӧ перйис эз Европа, а Путин. Коді ёнмӧдіс ассьыс позицияяссӧ. Сюйӧ ӧні ассьыс нырсӧ и Войвыв Кореяӧ, кыдзи водзті Сирияӧ. Неважӧн Трамп бара сёрнитіс телефон пыр ВВП-кӧд. Тайӧ нинӧмла. Нинӧм бурыс таысь абу. Тырмас быдсяма резолюцияяс дп декларацияяс примитавны.