Интересно, много ли среди читателей интернет-журнала владеющих коми языком? Родной язык у каждого всё-таки один, иные же, очень важные и нужные, например, в профессиональной сфере, всё-таки не столь родные, как язык детства и маминых колыбельных. Чувство родного языка – очень мощный объединитель людей. Позитивный и не опасный, в отличие от политических взглядов и фанатизма в чём-либо, объединитель.
Можно ли сделать наше общение через интернет естественно-двуязычным? Естественно, значит, не через двойные переводы, а на оригинальном языке, кто захочет – поймёт, кто заинтересуется темой, но языка не знает, тот может попросить перевести, на что автор публикации, мне кажется, без труда отзовётся.
Попробую сделать обращение к некоторым знакомым юристам по-коми. Отзовутся ли?
Андрей Петрович Тарабукинлы, кодi юркарын дорйö пикö воöм йöзöс,
Анатолий Филиппович Терентьевлы, кодi юристалö Ухта карын,
а сiджö Виктор Дмитриевич Вахнинлы, кодi тöдöмысь миянлысь журналнымöс лыддьывлö жö,
мукöд инöдъяс дорйысь коми кывъя войтырлы.
Помнитанныд-ö, ёртъяс, кыдзи во дас кымын сайын Вениамин Андреевич Надуткин видлiс судитчыны коми кыв вылын? Ог тöд, важöн нин эг аддзысьлöй да, кутшöм нин сылöн дзоньвидзалуныс, эм-ö кöсйöм öнiя кадö видлыны бара жö коми кыв вылын шыасьлыны кутшöм кö могöн ёрдö. Меным чайтсьö, мый öнiя кадö колö тайöс вöчны. Мыйла? Оти кö, Россия, кöть и ньöжйöник зэв, но мунö Европаса кывъяс йылысь Хартия ратифицируйтöмлань. Мöд кö, эмöсь та кузя водзмöстчöмъяс, шуам, республикаса ОП-ö пырысь юрист Александр Щиголевлöн, а сiйöс öд, кöть кыдз он донъяв, быть лоö кывны, бöрйöмаöсь нин кö. «Солидарностьлöн» политсоветö выль бöрйöм веськöдлысь изьваса Алексей Семёнов сiдзжö шуö, пока пö коми кыв вылын коми мортлысь шыöдчöмъяссö оз кутны видлавны куимнан властьбердса чина войтыр, кывйыс кутас кусны.
Колöны сöмын ёрдъясö шыасьысьяс пиысь сэтшöм комияс, кодъяс збыль рочнас оз сэтшöм бура вöдитчыны, и коми кывйыс лоас налы отсöгöн асьсö дорйигöн либö кодöскö мыждiгöн. А шуанныд кö та вылö, мый коми кывнас он вермы вöдитчыны инöдъяс дорйигöн сы вöсна, мый кывйыс оз тырмы, то та вылö ме вочавидза: тырмö! Отсöг вылö эм роч-коми кывчукöр, Л.М.Безносикова юрнуöдöм улын дасьтöм, 52 сюрс кыв сэнi сетöма, быдтор йылысь позьö коми ног шуны и гижны (Сыктывкар, Коми небöг лэдзанiн, 2003 во).
Кодкö кö босьтчас медводдзаöн тайö уджас, ми отсалам коми ног документъяссö дасьтыны, юркарын, майбыр, тырмö вылын грамотаа коми йöзыс.
Ог тöд, ёна-ö пыравлöны сайтö сиктын олысь коми йöз, никъяс саяд дзебсясигад он тайöс тöдмав. Медся ёна, дерт, коми ёрдыд буретш налы колö. А гашкö шуасны найö, мый оз и ков. Весиг районса газетыд коми кыв вылад зэв нин гежöд коли, асьным лэдзим да. Бöрсö лэптыны кодi кутас? Миянлы кö ас кывным оз ков, сэсся некодлы нин оз ков.
Абу на öд сёр, вай видламöй, пока кывным уна сюрс мортлы на гöгöрвоана, сетны сылы позянлун дорйыны асьнымöс.